|
تبي التدبيلة. اقلط يالله حيه
15 سنه في سوق الاسهم كل ماجمعت قرشين غذيت المحفظة ويومين وهن ملهوفات
تبي التدبيلة كل شهرين خذها إذا قرب الشتاء بشهر اشتر تريلة برسيم الربطة ب 10 ريال وبعد شهر ونصف أضمن لك تبيعها ب 23 بشرط تحفظها عن المطر بمستودع وإذا قرب الشتاء بشهر اشتر تريلة فحم الخيشة ب 20 ريال وبعد شهر ونصف أضمن لك تبيعها ب 60 وإذا طلع رمضان اشتر تريلة هرافي الراس ب 700 ريال وعلف وبرسيم وأيام عيد الأضحى أضمن لك تبيع الراس ب 1400 ريال وكل بيعك جملة وأنت واقف وهذه أمثلة فقط غير كذا أنا أبري ذمتي من خلق الله وسلامتكم |
رد: تبي التدبيلة. اقلط يالله حيه
بارك الله فيك وجزاك الله خير
سوق الاسهم يصلح لشخص صبور ويعرف وقت الخروج المناسب والدخول المناسب |
رد: تبي التدبيلة. اقلط يالله حيه
ممتااااااااااااز
|
رد: تبي التدبيلة. اقلط يالله حيه
ثلاثة ارباع الرزق في التجارة
ولكن الظروف تختلف حسب المنطقة وظروف العمل واشياء اخرى تجعل التجارة في الاسهم اقل عناءاً والتوفيق بيد الله دائما ياما شفنا وسمعنا اناس ضاعت اموالهم في التجارة الاخرى خارج الاسهم هي توافيق .. شكرا لك اخوي متهور الا وش رايك بتجارة الصقور ؟؟ |
رد: تبي التدبيلة. اقلط يالله حيه
<>افكار حلوة والله اخوي متهور<>
|
رد: تبي التدبيلة. اقلط يالله حيه
الله يرزق الجميع كل حسب توجهه وتخطيطه
مشكور اخي متهور ما يتوب |
رد: تبي التدبيلة. اقلط يالله حيه
بارك الله فيك
|
رد: تبي التدبيلة. اقلط يالله حيه
كلن ميسر لما خلق له
جزاك الله خير |
رد: تبي التدبيلة. اقلط يالله حيه
المشاريع الجاده والمربحه كثيره والتوفيق بيد الله .. رغم اغراء الطرح وجودة الأفكار اخوي متهور .. ربما الامراض للماشيه او سوء التخزين او المنافسه او أي شيء غير متوقع يعترض طريق النجاح لا لشيء ولكن لعدم توفر الخبره .. فهي من اساسيات التجاره أي ان تبدا بكميات صغيره حتى تتمكن من المسئله وتعرف عيوبها واخطائك .. وهي مرتبطه بالزمان (شراء وبيع) ومرتبطه بالمكان (مكان شرائها ومكان بيعها) وامان التخزين لانه علم قائم بذاته ولكن قله من يقرا عنه
والاهم المثابره فمن يفشل في بداية الطريق فهو امر من سنن الكون .. وبديهياتها وهي منصة الانطلاق نحو النجاح |
رد: تبي التدبيلة. اقلط يالله حيه
مشكور يا الغلا
وبارك الله فيك ويعطيك الله العافية ودمت بخير |
رد: تبي التدبيلة. اقلط يالله حيه
بارك الله فيك
|
رد: تبي التدبيلة. اقلط يالله حيه
يعطيكم العافية
|
رد: تبي التدبيلة. اقلط يالله حيه
اللي اشترى تريلة فحم أجزم أنه هالحين دببل مرتين
مع هالبرد اللي يشطب العظم وإذا هو مشتري برسيم فهو دخل قائمة الهوامير باقيله الهرافي بعد رمضان وش قولك يابو سعود لاهنت |
رد: تبي التدبيلة. اقلط يالله حيه
انا اشتريت تريلة اسهم يوم الثلاثاء وننتظر لها زباين ما تبي تبدل معي تعطيني تريلتك وتاخذ تريلتي ؟
بالنسبة للفكرة فبصراحة فكرة مجنونه ولكن مين اللي فاضي لها .. اقول الله يوفقك هذا اللي اقدر عليه |
رد: تبي التدبيلة. اقلط يالله حيه
الشكوى لله أنا من مدمني الأسهم مع إن كل قريشاتي أخذوهن الشوالتيه
لكن ماتضيق إلا وتنفرج الخميس شريت الصناعات الكهربائية بكامل ثروتيالبالغة 51 ألف ووصل السهم النسبة فوق ثم رجع نص نسبة وأتوقع أن يكون له صولات إذا تحسن السوق سهم خفيف وفيه توزيع ريال وأتوقع له مستقبل هذا رأيي الشخصي وكل شخص حر بماله والله يرزق الجميع |
رد: تبي التدبيلة. اقلط يالله حيه
اقتباس:
|
رد: تبي التدبيلة. اقلط يالله حيه
الذكاء الزائد هو اللي ينكب راعيه
الأرزاق ماتبي ذكاء تبي تبي توفيق وبس أنا أعرف شخص لديه نوع من البلادة معه شهادة 6 خرج من قريتنا قبل 45 سنة وطقطق بالمعدات وصار يمسك طرق والآن ثروته لا تقل عن 10 مليار نقد فقط الله يزيدنا وإياه من فضله المقصود من اعتمد على ذكاء عقله وكله الله إليه |
رد: تبي التدبيلة. اقلط يالله حيه
اقتباس:
|
رد: تبي التدبيلة. اقلط يالله حيه
بارك الله فيك
|
رد: تبي التدبيلة. اقلط يالله حيه
فكرة حلوة
بس متعبة نبي السهل |
رد: تبي التدبيلة. اقلط يالله حيه
ياجماعة المنتدى ياشباب بلادي ياشيبان أمتي
بلدنا بلد الخيرات كل يحسدنا عليها وفيه فرص تجارية بالملايين الأجنبي يجي هنا ويشتغل ليل نهار ويرجع مليونير بل بعضهم بليونير وكفيله يرضى بالفتات أنا لا أقول هذا حسداً لأحد ولكن نحن استسلمنا للرزق السهل وذبحنا الكسل وعقدة الوظيفه وغيرنا يغرف خيرات البلد غرف دلوني على السوق فتح الله على الجميع أبواب فضله آآآميييييييييييييين |
رد: تبي التدبيلة. اقلط يالله حيه
بكرا راقبوا الصناعات الكهربائية
لا تشتري إلا بعد قناعة تامة أنا بريء يافندم |
رد: تبي التدبيلة. اقلط يالله حيه
الرزق بيد الله سواء في الأسهم ولا غيرها
والله يرزقنا ويرزق جميع المسلمين الروق لحلال |
رد: تبي التدبيلة. اقلط يالله حيه
كلها مقترحات ممتازة للشباب الا الهرافي متعبة ويبيلها اتقان ولا لو يجيها امراض راحت نسبه تحت لو لو الواحد ما يطمع بالاسهم ويكتفي باي ربح كأن عنده بقالة لربح ربح وفير بالشهري
|
| الساعة الآن 10:59 AM |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
HêĽм √ 3.1 BY: ! ωαнαм ! © 2010
يمكنكم زيارة المنتدى الجديد نبض السوق على الرابط التالي http://www.nbdksa.com/vb